តើការដែលយើងព្រមចាកចេញពីមនុស្សដែលយើង ស្រលាញ់ព្រោះហេតុផល ចង់អោយគេមានក្ដីសុខ តើនេះជាការចាកចេញត្រឹមត្រូវដែរឬទេ?
Latest Questions
បងឈរលើទឹកនឹកគ្រាសាងស្នេហ៍ នឹកគ្រាអូនក្បែរប្រលោមចរណៃ ឥឡូវអូនប្រែដៀលបងចង្រៃ ចិត្តអូនព្រៃផ្សៃឱ្យបងឈឺផ្សា។ ទូកចរលើទឹកបងនឹកដល់ស្រី តើមានរឿងអ្វីស្រីប្រែចិន្ដា អូនប្លែកខ្លាំងណាស់ណាស្រស់ជីវ៉ា ឬមានអ្នកណាមកជ្រែកស្នេហ៍ថ្លៃ? បងអត់ស៊ីបាយត្រាណត្រើយដឹងទេ គិតពីមាសមេឥតលុះមួយថ្ងៃ ស្មោះអូនស្ទើរស្លាប់ចោទបងចង្រៃ បើសិនបងក្ស័យថ្លៃចូលបុណ្យទេ? មួយរយពីររយក៏ជាសទ្ធា ទុកគ្រាន់បូជាចំពោះមាសមេ ស៊ូលះបង់អូនមិនបន្ទោសគេ ស៊ូឱ្យមេជេរមិនអង្វរស្រី។ ទោះរស់គ្មានអូនក៏បងមិនខ្វល់ ប្រឹងសាងកុសលឧទ្ទិសភក្ដី ស្លាប់ឈ្មោះស្មោះអូនសូន្យចុះមិនថ្វី ចាំជាប់ហឫទ័យមេរៀនស្នេហា។ នៅទៀតក៏ឈឺបញ្ចប់ក៏ឈឺ ព្រោះអូនពោលឌឺបញ្ចើចសន្យា ស្នេហ៍ផ្ដើមមួយឆាវបងសល់សោកា ស្រីផ្លាស់ចិន្ដាបងអ្នករងទុក្ខ។ សូមអនុមោទនា…!! ដោយ៖ បុរសកម្សត់-Lonely Man
បានត្រឹមនឹកអូន បានត្រឹមមើលឆាតចាស់ៗ មិនហ៊ានឆែកprofile អូនបងខ្លាចឈឺចាប់… រង់ចាំមនុស្សម្នាក់ មកជំនួសតំណែងអូន… @ដោយ៖ បុរសកម្សត់-Lonely Man
អ្នកអាចឈឺចាប់ អ្នកអាចខកចិត្ត ឬខូចចិត្ត តែសូមកុំព្យាយាមរស់នៅក្នុងភាពឯកោអី ព្រោះវានឹងនាំឱ្យជីវិតរបស់អ្នកដេកឱបតែភាពវេទនា។ @ដោយ៖បុរសកម្សត់-Lonely Man
រាត្រីទៀតហើយ បងនឹកអូនណាស់ តើអូនដឹងទេ? បងកម្សត់ណាស់ពេលនេះ… បាត់អូនទៅណា សំឡេងធ្លាប់និយាយទូរសព្ទជាមួយបង ស្ងាត់សារឈឹង ដឹងទេថាបងឯកោ? បេះដូងបងរងាណាស់ ហេតុអីអូនដាច់ចិត្តចាកចោលវា? ពេលនេះបងជាប់ឈ្មោះបុរសកម្សត់ហើយអូនដឹងទេ? បងគ្មានភាពក្លាហានសាងស្នេហាថ្មីទេ… @ដោយ៖ បុរសកម្សត់-Lonely Man
បែកគ្នាយូរហើយ នៅឡើយចិត្តបងនឹករឭកដល់អូន… តើពេលនេះអូនសុខទុក្ខយ៉ាងណា? នៅក្បែរអ្នកណា? គេមើលថែអូនបានល្អទេ? បងពិតជាមានសេចក្តីនឹករឭកចំពោះអូនណាស់ បងសង្ឃឹមថាអូនរស់នៅបានសុខ និងស្នេហាផ្អែមល្ហែមជាមួយគេចុះ។ ពីអតីតសង្សារចាស់ ចង់ឃើញអូនរីករាយ… @ដោយ៖ បុរសកម្សត់-Lonely Man
សួស្ដីប្រិយមិត្តអ្នកអាន បាត់ខ្ញុំមួយរយៈសុខសប្បាយទេ? មកពីខ្ញុំរវល់ ទើបមិនបានបង្ហោះសារឬអត្ថបទ និងកំណាព្យ សុំទោសផង។ ខ្ញុំរៀបចំផុសនូវអត្ថបទ កំណាព្យ និង សំណេរ មួយចំនួនជាបន្តទៀតដើម្បីកំដរការអានរបស់ប្រិយមិត្តទាំងអស់គ្នា។ បើបានទទួលសារនេះ ហើយ ជួយ ឆ្លើយតបមកខ្ញុំវិញផង! សូមអរគុណចំពោះការស្រឡាញ់រាប់អានរបស់អ្នកទាំងអស់គ្នា។ សូមជូនពរដល់អ្នកទាំងអស់គ្នាមានសុខភាពល្អនិងជោគជ័យក្នុងជីវិត។ @ដោយ៖ បុរសកម្សត់-Lonely Man
មិនយល់ទេ ហេតុអីទឹកភ្នែកបងហូរចុះមក គ្រាន់តែឮអូននិយាយថា “អូនសុំទោសដែលកុហកបង កន្លងមកអូនមិនបានស្រឡាញ់បងទេ គ្រាន់តែពេលអូននៅក្បែរបង អូនសប្បាយចិត្ត”។ អូនប្រាប់បងថា “មិនមែនបងមិនល្អ តែមកពីអូនស្រឡាញ់គេ ហើយគ្រាន់តែអាណិតបង នេះប្រហែលពួកយើងគ្មានវាសនា”។ បងមានអារម្មណ៍ថាចុកអួលពេញដើមទ្រូង ពេលអូនប្រាប់ថា ឱ្យបងបំភ្លេចចោលនូវរឿងកន្លង។ បងសុំទោស បងពិតជាមិនអាចធ្វើបានទេ។ អូនអាចឱ្យបងឈប់ស្រឡាញ់អូនបាន តែកុំហាមបងមិនឱ្យចងចាំអនុស្សាវរីយ៍ កន្លងអី។ អូនថាខ្លាចបងឈឺចាប់ទើបឱ្យបងបំភ្លេច តែអូនប្រហែលមិនដឹងទេថា បងបានឈឺចាប់រួចមកហើយ តាំងពីមុនស្រឡាញ់អូន ពេលកំពុងស្រឡាញ់អូន និងក្រោយពេលស្រឡាញ់អូន។ អូនថាបងជាមនុស្សល្អ តែអូនមិនបានស្រឡាញ់បងទេ អូនពិតជាអាណិតបង តែអូនបានជ្រើសរើសយកគេហើយ។ អូនជូនពរបងឱ្យជួបនារីល្អម្នាក់ ទាំងដែលអូនគឺជានារីម្នាក់ដែលបងស្រឡាញ់។ បងមិនដែលស្រឡាញ់អ្នកណាខ្លាំងដូចអូនទេ បងគ្រាន់តែចង់ធ្វើជាមនុស្សល្អម្នាក់សម្រាប់អូនប៉ុណ្ណោះ។ សុំទោសដែលបងស្រឡាញ់អូន…។ @ដោយ៖ បុរសកម្សត់-Lonely Man
មេឃមីស្រទំម៉ុមមានចាំទេ បងនឹកមាសមេអារម្មណ៍មមៃ មមារចាប់ភ្លឹកនឹកគិតដល់ស្រី នឹកនាទឹកដីទីសាងស្នេហា។ ឥឡូវស្ងប់ស្ងាត់បាត់បង់សំឡេង បងរស់វង្វេងក្រោមស្បៃអន្ធការ អូនចាកចេញទៅនៅបងឯកា មើលមេឃកាលណាអារម្មណ៍នឹកស្រី។ អូនចាំខ្លះទេកាលកើយដៃបង វង់ភក្ត្រនួនល្អងគន់គូររំពៃ សម្លឹងភ្នែកបងផ្អងផ្អៀងភក្ដី ស្បថប្រាប់មេឃដីគ្មានថ្ងៃស្រីប្រែ។ ម្ដេចក៏បាត់សូន្យអូនមិនត្រឡប់ ចោលស្នេហ៍អភព្វឱ្យឈឺឥតល្ហែ ឬគ្រាឆ្ងាយបងអូនមានអ្នកថែ ឱ្យផ្លាស់ចិត្តស្នេហ៍ប្រែពីរូបបង។ បងនៅរង់ចាំបណ្ដាំស្នេហ៍ស្មោះ ស្ម័គ្រឥតស្រណោះចំពោះនួនល្អង ជាក់ចាំគ្រប់គ្រាឥតរាបែរខ្នង សូមអូនដឹងផងបងរង់ចាំស្រី។ @បុរសកម្សត់-Lonely Man
នៅចាំស្នេហ៍គ្រាដំបូងទេ៎? តើកាលហ្នឹង នៅអាយុប៉ុន្មានដែរ? តើជាស្នេហាដែលស្រស់ស្អាត ឬឈឺចាប់? ការពិតទៅ…ខ្ញុំឧស្សាហ៍លឺគេនិយាយញឹកញាប់មែនទែនថា«នរណាគេ ក៏ពិបាកបំភ្លេចស្នេហ៍គ្រាដំបូងដែរ» ហើយខ្ញុំផ្ទាល់នេះ ក៏គិតចឹងដែរ ព្រោះតែខ្ញុំនៅចាំស្នេហាមួយនោះបានច្បាស់ខ្លាំងណាស់រហូតមកដល់សព្វថ្ងៃនេះ… ប្រហែលជាចង់ដឹងថា ស្នេហាមួយហ្នឹង មានអ្វីពិសេសទៅ ទើបស្ថិតនៅក្នុងការចងចាំរបស់ខ្ញុំបានយូរយ៉ាងនេះនោះ? មុននឹងចែករំលែកប្រាប់អ្នកទាំងអស់គ្នា ខ្ញុំក៏ពិភាក្សាបន្តិចអំពីមូលហេតុដែលអាចធ្វើឲ្យមនុស្សជាច្រើនមិនអាចភ្លេចស្នេហាគ្រាដំបូងរបស់ខ្លួនបាន… វាក៏អាច ព្រោះតែស្នេហាគ្រាដំបូង… មានឥទ្ធិពលខ្លាំងបំផុត នៅសុខៗក៏ត្រូវផ្លាស់ប្តូរពីជីវិតដែលរស់នៅតែម្នាក់ឯង ធ្វើអ្វីដើម្បីតែខ្លួនឯង ទៅជាជីវិតគូស្នេហ៍ ដែលជាបទពិសោធន៍លើកទីមួយក្នុងជីវិត ហើយនេះពិតជារបត់មួយដ៏ធំក្នុងជីវិតរបស់យើង។ បន្សល់ទុកនូវការឈឺចាប់ ព្រោះស្នេហាជាលើកដំបូង ប្រាកដមិនងាយបំភ្លេចមនុស្សដំបូង ដែលធ្វើឲ្យយើងស្គាល់អ្វីទៅដែលហៅថា«ស្នេហា» ទេ មែនទេ៎? ហើយក៏រឹតតែមិនងាយភ្លេចមនុស្សដំបូងដែលបន្សល់ទុកនូវរបួសដល់បេះដូងរបស់យើងដែរ… ជាស្នេហាបរិសុទ្ធជាងគេ ព្រោះតែវាច្រើនកើតពីក្តីស្រលាញ់ពិតៗដែលមិនមានបំណង ឬលក្ខខណ្ឌអ្វីច្រើនឡើយ នាំមកនូវកិច្ចការជាច្រើន ដែលត្រូវធ្វើលើកទីមួយ ប្រាកដណាស់! អ្វីៗដែលធ្វើដើម្បីគេ និងផ្តល់ឲ្យគេ សុទ្ធតែលើកទីមួយក្នុងឆាកជីវិតស្នេហារបស់យើង ...